Arquivos da etiqueta: Cultura

TEATRO “O HOME NO SOFÁ” 22/11/2025

Histórico Actividades,

A compañía Grupo Sen Tempo Teatro, da Escola municipal de Teatro de Zas, estivo o pasado mes de abril en Buño coa función “A voltas co morto”; colleitaron tal éxito que quedamos con gañas de máis. É así que os convidamos de novo a presentarnos “O Home do Sofá”, para o próximo 22 de novembro no CAT de Buño.

Apáganse as luces, sube o pano e comeza a emoción, ponte cómodo no sofá máis irreverente do Grupo Sen Tempo Teatro e prepárate para fartarte de rir.

Seguir lendo TEATRO “O HOME NO SOFÁ” 22/11/2025 →

PRESENTACIÓN LIBRO “EL ENCUENTRO” – 20/09/2025

Histórico Actividades,

O noso veciño David Blanco presenta este sábado 20 de setembro, ás 19h. no CAT de Buño, o seu primeiro libro: “El encuentro”; un conto sobre a aventura compartida entre un rapaz surfista da Costa da Morte e unha orca ibérica. A entrada é libre, sen necesidade de inscrición. Podes ve-lo libro en dixital en https://www.msc.org/es/area-de-educacion/el-encuentro

Seguir lendo PRESENTACIÓN LIBRO “EL ENCUENTRO” – 20/09/2025 →

I FESTIVAL FOLK “O QUINTEIRO” – 08/08/2025

Histórico Actividades, ,

A música folk e tradicional é unha das señas de identidade da Comarca de Bergantiños; no Concello de Malpica latexa con forza grazas ás asociacións culturais, especialmente en Xornes, Cerqueda e Malpica. Os que xa peiteamos canas lembramos o Festival Celta de Leiloio como referente da efervescencia da música folk e celta que viviu este país a finais dos anos noventa.

Seguir lendo I FESTIVAL FOLK “O QUINTEIRO” – 08/08/2025 →

XUNTANZA-CONVERSA XOGOS TRADICIONAIS + CAFÉ – 21/07/2025

Histórico Actividades, ,

Dende a Asociación de Veciños e Sociocultural O Quinteiro de Buño estamos a traballar nun novo proxecto para recuperar e poñer en valor a memoria de Buño, desta vez investigando sobre os xogos tradicionais e populares:

  • A que xogabamos cando eramos nenos e nenas?
  • É o mesmo ao que xogan hoxe os nosos fillos e fillas, netos e netas?
  • Na actual sociedade de consumo, onde a infancia ten acceso a multitude de xoguetes, xógase máis ou menos que antes?
  • É importante a transmisión interxeracional dos xogos de sempre, para evitar que desaparezan?
Seguir lendo XUNTANZA-CONVERSA XOGOS TRADICIONAIS + CAFÉ – 21/07/2025 →

LETRAS NO QUINTEIRO 24/05/2025

Histórico Actividades, , ,

A Real Academia Galega acordou adicar o Día das Letras Galegas 2025 á poesía popular oral, personificada en Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens (Malpica). Con esta elección a Academia recoñece a importancia da poesía popular oral, que acompaña a nosa sociedade dende sempre.

É unha honra para o pobo de Buño o recoñecemento das nosas veciñas e unha ocasión perfecta para celebralo cunha tarde de música e contos o vindeiro 24 de maio no Ecomuseo Forno do Forte.

Seguir lendo LETRAS NO QUINTEIRO 24/05/2025 →

II ANDAINA POPULAR: A RUTA DA AUGA – 19/04/2025

Histórico Actividades, , ,

Abrir a billa e que saia auga… un xesto tan cotiá que nin tan sequera cuestionamos, mais nalgúns países, nalgunhas sociedades, a auga limpa, potable e de calidade é unha mera ilusión. Ademais, en Buño temos a sorte de contar con unha comunidade de auga auto-xestionada e propiedade dos veciños, unha das poucas que quedan en Galicia.

Pero… de onde vén a auga de Buño?, onde se capta?, cal é o sistema de tubaxes que nutren os depósitos?, onde están as principais fontes?.

Nesta andaina trataremos de dar resposta a estas preguntas e gozar dunha xornada moi completa de paseo pola natureza, comida popular, obradoiro de barro e moito humor cos “Fantasmas Familiares” de Quico Cadaval.

Seguir lendo II ANDAINA POPULAR: A RUTA DA AUGA – 19/04/2025 →

TEATRO “A VOLTAS CO MORTO” – 05/04/2025

Histórico Actividades,

O próximo 05 de abril a compañía Grupo Sen Tempo Teatro, da Escola municipal de Teatro de Zas, traerán o seu peculiar morto a dar unha volta por Buño. Están de xira coa súa peza teatral “A voltas co Morto”, (dirección de Pablo Soto “Pibe” e luces e son de Teresa Lema) unha rocambolesca comedia que xa fixo rir a veciños de toda a Costa da Morte con gran éxito e acollida.

Apáganse as luces, sube o pano e comeza a emoción, ven a fartarte de rir e dar unha volta co morto do Grupo Sen Tempo Teatro.

Seguir lendo TEATRO “A VOLTAS CO MORTO” – 05/04/2025 →

TEATRO CANDO MARTIÑO TIVO GAÑAS DE MEXAR A NOITE DE REIS

Histórico Actividades, ,

Coa emoción da Noite de Reis ben latente, a escasos dous días da noite máxica, membros da Xunta Directiva da asociación xa tíñamos ben preparados os guións de cada un para que todo saíse perfecto. Ensaiamos nos días previos e representamos as teimas do pequecho Martiño, quen, en plena noite de Reis, lle entra as gañas de mexar e, claro,….todos sabemos que non podemos ver aos Reis esa noite, do contrario quedamos sen agasallo. 

Seguir lendo TEATRO CANDO MARTIÑO TIVO GAÑAS DE MEXAR A NOITE DE REIS →

PROXECCIÓN “ROXANA, LA SERIE”

Histórico Actividades,

Clara Mourón é unha rapaza de Buño que xunto ás súas compañeiras de estudos, Claudia Labrador e Manuela Gómez, rodaron o primeiro capítulo da miniserie “Roxana”. Fixérono como traballo de fin de grao pero con intencións de seguir producindo novos capítulos que conten a historia da Paquita Salas galega. Pero as súas intencións van máis aló, con esta comedia dramática o que realmente pretenden e chamar a atención sobre unha dobre discriminación: por razón de idade e de xénero e que se dá con frecuencia no sector audiovisual, no que Roxana triunfou de moza.

Seguir lendo PROXECCIÓN “ROXANA, LA SERIE” →

MAGOSTO 2024 CON CELSO FERNANDEZ

Histórico Actividades,

O contacontos e poeta Celso Fernández Sanmartín ten unha especial conexión coa xente maior, quizais sexa porque é capaz de facernos viaxar a unha Galicia que a xente nova xa non lembra, uns contos e historias do tempo dos nosos avós e avoas. Quizais sexa porque Celso traballou durante dez anos na residencia de maiores de Lalín, onde probablemente forxou a comprensión dun tempo pasado grazas aos seus auténticos protagonistas, grazas a aqueles que o viviron.

Seguir lendo MAGOSTO 2024 CON CELSO FERNANDEZ →